Ya siembra bakawan mga personajes del Coast Guard District Southwestern Mindanao (CGDSWM) na costa iste del ciudad como parte del programa de conservacion del medio ambiente, el CGDSWM ya habla del Domingo.
Asegun con Commodore Marco Antonio Gines, comandante del CGDSWM, total de 600 semilla de bakawan el ya siembra sila na un 500 metro quadrado de mangle na Barangay Victoria na costa iste de este ciudad del Viernes.
Si Gines ya habla, con el actividad ya participa mga personajes del CGDSWM y del otro mando.
Asegun con Gines, el siembrada del bakawan hinde lang ta proteccion del medio ambiente, ta inclui tamen el importancia de protejer vida desde avalanse y grande marijada.
“Ademas, el mangle ta sirvi tamen lugar onde ta tene y queda diferente clase y producto de aquatico. De este modo, el siembrada de bakawan ta contrubui tamen na de aton economia,” si Gines ya habla.
El siembrada del bakawan ta tambien ayuda istabilisa con el orillando del aplaya donde ta depende el comunidad costal. (B. Garcia, photo courtesy of CGDSWM)