Zamboanga: 1 muerto na incidente de tiroteo na Basilan

0
8

Rido o peleya entre man familia el possible motivo na matansa del un 53 años persona alla na ciudad de Lamitan, provincia Basilan, asegun con el policia del Domingo.

El policia del ciudad de Lamitan ya nombra con el victim como si Gaddong Patta, un residente de Barangay Languyan, Mohammad Ajul, Basilan.

El incidente de tiroteo ya ocuri mga alas 6:35 del Sabado denoche na Barangay Maganda, ciudad de Lamitan, Basilan.

Base na investigacion del policia, con Patta ya tira uno del dos desconosidos personas muntao na un motorsiclo cuando ya llega el victima na Barangay Maganda manejando tambien con el de suyu motorsiclo.

El victima ya muri con irida de bala na su pecho, izquierda subaco, izquierda hombre y mano derecha.

El familiares de Patta enseguidas ya saca con el resto del victima para entera base na tradicion de muslim.

El incidente del Sabado denoche amo el tersera vez desde ya principia el periodo de campaña para na eleccion del mga oficiales de barangay y de los jovenes na Octubre 30. (B. Garcia)

Leave a Reply