Un persona bien mas buscada el ya aresta mga autoridad na un operacion de aplicacion de ley aqui na ciudad, asegun con el policia local del Domingo.
El policia local ya nombra con el arestao persona bien mas buscada como si Jimmy Lorenzo, 41 años el edad y residente de Paseo de Barigon, Barangay Tugbungan, en este ciudad.
Asegun con el policia, con Lorenzo ya aresta mga alas 6:25 del Sabado denoche na Paseo de Santican, Barangay Tugbungan, en este ciudad.
Asegun con el policia, si Lorenzo listao como el numero 10 persona mas buscada na jurisdiccion del Zamboanga City Police Station 6 (ZCPS6).
El policia ya habla, si Lorenzo tiene pendiente orden de aresto por el crimen de seis cuentas de abuso carnal sin recomendao piansa que ya dale el un corte local del Febrero 15, 2023.
Con Lorenzo ya pone bajo’l temporario custodia del ZCPS6. (B. Garcia)