El mga autoridad ya aresta tres personas y ya confisca valor de P340,000 droga ilegal y armas de fuego na un operacion contra droga na provincia del Zamboanga del Sur, asegun con el Philippine Drug Enforcement Agency (PDEA) del Jueves.
Asegun con el oficina regional del PDEA, con el mga arestao suspechao ya conoce como canda Felipe Suarez, 44 años el edad; Edmar Cortes, 32; y si Alberto Lagumbay, 43.
Asegun con el PDEA, con el tres suspechao ya aresta na un operacion de compra busto mga alas 6:20 del Miercoles denoche na Purok Doña Aurora, Barangay Poblacion, Aurora, Zamboanga del Sur.
El PDEA ya habla, ya confisca na posesion del tres arestao suspechao un calibre .45 pistola con clip y mga bala, 50 gramos de suspechao shabu que tiene el valor de P340,000, dos motorciclos, y un tarjeta de identificacion militar na nombre de Edmar Navarro Cortes.
Asegun con el PDEA, con el tres arestao suspechao hay planta caso por violacion del Ley Integral de Drogas Peligrosas de 2002.
Con el tres suspechao ya detene na carcel del oficina regional del PDEA. (B. Garcia) Â