El mga autoridad ya aresta dos suspechao y ya confisca valor del P3.4 millones droga ilegal na un operacion contra droga na provincia del Zamboanga del Sur, asegun con el Philippine Drug Enforcement Agency (PDEA) del Lunes.
Asegun con el oficina regional del PDEA, con el mga arestao suspechao ya conoce como canda Marecil Cubio Muloc, 42, dueño de un tienda, y si Jason Palanas, 20, un chufer.
El PDEA ya habla, canda Muloc y Palanas ya aresta na un operacion de compra busto mga alas 6 del Domingo denoche na Purok Narra, Barangay Lumbog, Margosatubig, Zamboanga del Sur.
Asegun con el PDEA, ya confisca na posesion de canda Muloc y Palanas 500 gramos de suspechao shabu enpaquetao na sinco transparente paquete plastico con el valor de P3.4 millones, dinero de compra busto, un celpon, dos bolsas de papel, y in vehiculo conocido como Bao-Bao.
Con el dos arestao suspechao ya detene en preparacion para el plantada del asunto contra canila por violacion del Ley Integral de Drogas Peligrosas de 2002.
Asegun con el PDEA, con el dos suspechao ya aresta con el suporta del policia. (B. Garcia)