El mga autoridad ya aresta dos personas y ya confisca P3.4 millones valor de droga ilegal na un operacion contra droga na Bangsamoro Autonomous Region in Muslim Mindanao (BARMM), asegun co el Philippine Drug Enforcement Agency (PDEA) del Domingo.
El PDEA-BARMM ya identifica con el mga arestao suspechao como canda alias Jamael y alias Mahid, ambos de legal el edad.
Asegun con el PDEA-BARMM, con Jamael y Mahid ya aresta na un operacion de compra busto del Sabado na Barangay Matampay, ciudad de Marawi, Lanao del Sur.
Asegun con el PDEA-BARMM, ya confisca na posesion de canda Jamael y Mahid un transparente bolso plastico que ta contene 500 gramos de suspechao shabu que tiene el valor de P3.4 millones, dos motorciclos, un celpon, un tarjeta de indentificacion, y dinero de compra busto.
Asegun con el PDEA-BARMM, canda Jamael y Mahid detenido na de ila carcel en preparacion para el plantada del caso contra canila por violacion del Ley Integral de Drogas Peligrosas.
Asegun con el PDEA-BARMM, el operacion de compra busto ya conduci con el suporta del 45th Special Action Company del 4th Special Force Battalion del PNP-Special Action Force (PNP-SAF). (B. Garcia)