Dos siembradores el ya aresta y ya confisca valor de P340,000 droga ilegal na un operacion contra droga na provincia del Zamboanga del Sur, asegun con el Philippine Drug Enforcement Agency (PDEA) del Martes.
El oficina regional del PDEA, ya identifica con el mga arestao siembradores como canda Haiden Macasalong, 23, residente del Barangay Patidon, Salvador, Lanao del Norte, y si Jomair Amanodin, 18, residente del Barangay Banday, Malabang, Lanao del Sur.
Asegun con el PDEA, con el dos siembradores ya aresta na un operacion de compra busto mga ala 1:05 del Lunes tarde na Purok 1, Sitio Matinabangon, Barangay Anonang, Aurora, Zamboanga del Sur.
Asegun con el PDEA, ya confisca na posesion del dos siembradores 50 gramos de suspechao shabu en paquetao na un transparente plastico con el estimao valor de P340,000, un calibre .45 pistola con bala, un vehiculo y llave, un celpon, y dinero de compra busto.
El PDEA hay planta caso contra con el dos arestao siembradores por violacion del Ley Interal de Drogas Peligrosas de 2002 y por ilegal posesion de armas de fuego. (B. Garcia)