El mga autoridad ya recubri P340,000 valor de droga ilegal na posesion del tres fugitivos que ya aresta sila na un operacion de aplicacion de ley na provincia del Basilan, asegun con el policia del Jueves.
Si Police Lieutenant Colonel Elmer Solon, el jefe del policia na ciudad de Lamitan, ya identifica con el tress arestao fugitivos como canda Mumar Jajuli, 50 años el edad; Arhamar Ajali, 27; y si Matarfe Halim, 30.
Asegun con Solon, con el tres fugitivos ya aresta na un operacion de aplicacion de ley del Martes denoche na Barangay Bato, ciudad de Lamitan.
Asegun con Solon, el tres fugitivos tiene pendiente orden de aresto por el crimen de matansa que ya dale el un corte na ciudad de Lamitan.
Si Solon ya habla, con el tres fugitivos ya coge na acto ta vende droga ilegal.
Asegun con Solon, ya recubri na posesion del tres figutivos 50 gramos de suspechao shabu que tiene el valor de P340,000. (B. Garcia)