El un organisasyon de mga siembrador na Barangay Baluno, en este ciudad, ya recivi ayuda desde con el oficina rehyonal del Departamento de Agricultura (DA).
Asegun con el DA cay el Baluno Integrated Farmers Association (BIFA) ya recivi desde con el agencia un nuevo tractora.
Con el tractora ya recivi el mga myembros del BIFA que ta encabesa si Ramon Abilay na un simple ceremonya de entrego que ya ase na Barangay Baluno del Martes.
Asegun con el DA cay el tractora parte del intervencion agricultural que ya ase posible con el suporta del programa de “High Value Crops Development” del oficina rehyonal del agencia.
Despues del entrego, enseguidas ya pruba usa mga myembros del BIFA con el equipo para mira el capacidad del tractora ya dale canila el DA.
Si Abilay, por parte del sum ga myembros, ya rindi gratitud con el DA por el ayuda ya dale con el de ila organisasyon.
Con el ceremonya del entrego del tractora ya conduci con el presencia del Vice Alkalde Josephine Pareja y representanates del oficina de Consejal Joselito Macrohon, del Philippine Coconut Authority y mga myembros del BIFA. (B. Garcia, photo courtesy of Department of Agriculture 9)