El Oficina de Salud del Ciudad de Isabela ya puede rindi servicio con 146 vivientes na Barangay Kumalarang, en aquel ciudad.
Asegun con el govierno local del ciudad de Isabela del Miercoles cay 98 del 146 ya recivi libre consultacion medical y el restante 48 libre arankada de diente.
El libre consultacion ya encabesa si Doctora Rehab Hayre, el doctor del “Rural Health Unit-West”.
Ya dale tamen sila libre medicina con el 98 paciente que ya rindi sila libre servicio.
El libre arancada de diente ya encabesa si Dr. Abdulmanar Saliddin, el dentista del Oficina del Salud del Ciudad de Iabela.
Ya dale tamen medicina con aquellos quien ya manda aranca diente para privini algun complicacion.
Asegun con el govierno local del Isabela cay el oficina del salud preparao pirmi para sirvi con mga Isabeleños, specialmente mga pobre y “Indigenous Peoples (IP).
(B. Garcia, Photo courtesy of Isabela City Health Office)