Un official del gobierno local ya impulsa con el mga oficiales de barangay para instola Closed-Circuit Television (CCTV) Cameras na de ila cada’y cual barrio hinde lang por rason de seguridad, pero para administracion tamen.
El impulso ya hace si Chris Mandi, el jefe del oficina de seguridad del ciudad de Zamboanga, hablando puera desde prevencion de crimen y solucion, puede tamen usa con el CCTV para administra trafico.
Actualmente, asegun con Mandi, 34 lang del 98 barangays na ciudad el tiene de ila sistema de CCTV.
Asegun con Mandi, el mga barangay de Labuan y Sta. Catalina esperansao hay manda instola de ila CCTV na mas temprano tiempo.
Si Mandi ya habla, el mga instolacion de CCTV ya puede ya ayuda solve mga incidentes de crimen, ta desalenta incidente de crimen y instrumental tamen na encontrada de mga perdido cosas.
Asegun con Mandi, mayor parte del de ila CCTV instolao na mga camino principal na pueblo. (B. Garcia)