Un official de gobierno na ciudad de Isabela, Basilan, el ya muri na un incidente de tiroteo que ya ocuri amediante el implementacion del prohibicion de armas en el eleccion na entero pais.
El policia ya identifica con el victima como si Ricardo Laguardia, 30 años el edad, el secretaria del Consejo de Paz y Orden del Ciudad, o CPOC, y del Consejo Municipal Contra el Abuso de Drogas, o CADAC.
El policia ya habla, el incidente ya ocuri mga alas 6:45 del Jueves denoche na Barangay San Rafael, ciudad de Isabela, Basilan.
Base na investigacion, con Laguardia ya tira el uno del dos desconocidos personas muntao na un motorcilo despues lang que ya abaja le na motorciclo del su compañero quien ya hace conele hatud na casa.
El mga suspechao enseguidas ya escapa y con Laguaria ya lleva na hospital, pero ya declara conele muerto el doctor.
El policia ta continua investiga con el incidente para determina el motivo, identifica y aresta con el mga suspechao.
El Vice-Alcalde Kifli Hataman-Salliman fuertemente ya condena con el matansa del official y ya hace llamada con el mga autoridad para de estricto implementa conel prohibicion de armas en el eleccion. (B. Garcia)