El Oficina del Veterinario del Ciudad o OCVet ya renova con el campaña para preventa el resurgimiento del African Swine Fever (ASF) na ciudad despues que el examin de laboratorio na sampol de sangre ya sale positivo para el infeccion.
Asegun con Dr. Arcadio Cavan, Jr., el veterinario asistente del ciudad, el sampol de sangre ya saca na Barangay Lunzuran y ya somete na Regional Animal Disease Diagnostic Laboratory del Departamento de Agricultura ya resulta positivo de ASF.
El OCVet ya conduci vigilancia de enfermedades despues que mucho mga puerco na lugar ya principia dale mira signos cilinicos de ASF, un enfermedad viral de altamente contagiosa que es fatal en su forma aguda.
Inmedietamente despues que ya recivi el resulta del examin, el OCVet ya conduci desplobacion na zona de impacto y ya impone medidas de bioseguridad para preventa que mas man calayat pa el virus.
Aseun con Cavan, cuatro cuidadores de puerco na Lunzuran el ya afecta con 20 reportao mortalidad de cerdo.
Rellamando el ciudad de Zamboanga ya actualiza desde zona colorao (infectao) para na zona rosas (buffer) na estado del mapa de zonificacion de ASF del Noviembre 7, 2023.
Este ya vene despues de mas de un año despues que ya declara el Oficina de Industria de Animal cay el ciudad bajo el catergoria de zona colorao o epidemia del Mayo 23, 2022.
Como ta socede este, el City Disaster Risk Reduction and Management Council que ta encabesa el Alcalde John Dalipe ya aproba un resolucion que ta dale ayuda con mga afectao cuidadores de puerco ta inclui el disposicion del indemnidad del cada puerdo que infectao de ASF como el cosa stipulao na existente ordinansa.
El ASF es diferente enfermedad con el flu de cerdo cay el virus hinde ta afecta con mga hente y nohay impacto na salud humana. (B. Garcia)