Total de 48 gato y perro el ya capa el mga personajes del oficina del veterinario del ciudad, o OCVet, que ta esta comitido na advocacia promociona el bienestar de animal na ciudad.
Asegun con el OCVet, el libre capada de gato y perro ta hace todo’l ultimo dia de Jueves del cada mes na compound del mencionao oficina na Barangay San Roque, ciudad de Zamboanga.
Asegun con el OCVet, na total de 48 animal que ya capa, 39 el mga gato y el restante nueve amo mga perro.
Asegun con el OCVet, el programa de capada ta forma parte del impulso para efectivamente y eficientemente proporciona alto estandarte servicio de salud cada animal na comunidad.
El mga dueño de animal quien quiere toma parte del programa, debe registra sila na OCVet na Barangay San Roque antes del dia de capada.
Ya reitera el OCVet cay el capada del mga gato y perro amo el de todo buen manera ayuda controla el populacion y hace largo de vida del de ila animal domestico. (B. Garcia)