Un persona mas buscada na Zamboanga Peninsula el ya aresta el mga autoridad na un operacion de aplicacion de ley na provincia del Zamboanga Sibugay, asegun con el policia del Miercoles.
El mando regional del policia o Police Regional Office-9 (PRO-9) ya nombra con el arestao suspechao como si Roger Amad Quilar, el numero cuatro personas mas buscada na Zamboanga Peninsula
Asegun con el policia, con Quilar ya aresta na un operacion de aplicacion de ley por medio de implementada de orden de aresto mga alas 12:45 del Lunes tarde na Barangay Talamimi, Buug, Zamboanga Sibugay.
Asegun con el policia, si Quilar tiene pendiente orden de aresto por el crimen de dos cuentas de estaturio abuso carnal que ya dale el un corte na ciudad Pagadian, Zamboanga del Sur.
Con Quilar ya pone bajo’l custodia del Criminal Investigation and Detection Group na Zamboanga del Sur. (B. Garcia)