El mga autoridad ya aresta con el numero tres persona mas buscada na provincia del Lanao del Norte na un operacion de aplicacion de ley, asegun con el policia del Sabado.
El Lanao del Norte Provincial Police Office (LDNPPO) nohay mas nombra con el arestao persona puera lang de habla’r el suspechao es un hombre y tiene el edad 41 años y residente de Barangay Patudan, Tubod, Lanao del Norte.
Asegun con el LDNPPO, con persona mas buscada ya aresta na un operacion de aplicacion de ley por medio na implementacion del un orden de aresto del Viernes na Calle Mabini, Barangay Poblacion, Tubod, Lanao del Norte.
Asegun con el LDNPPO, el arestao suspechao listao como el numero tres persona mas buscada na municipio de Tubod.
El arestao suspechao tiene pendiente orden de aresto con recomendao piansa del P120,000 por el crimen de homicidio que ya dale el un corte na Tubod, Lanao del Norte, del Marso 28, 2025.
Asegun con el LDNPPO, con el arestao persona mas buscada ya pone bajo’l temporario custodia del facilidad de centro de detencion del policia na municipio de Tubod. (B. Garcia)