Un persona mas buscada na region el ya aresta el mga autoridad na un operacion de aplicacion del ley na ciudad de Zamboanga, asegun con el policia del Lunes.
El mando regional del policia ya identifica con el arestao persona mas buscada na region como si Mark Jonnel Akip Que.
Asegun con el policia, con Que ya aresta na un operacion de aplicacion de ley por medio de implementacion de un orden de aresto mga alas 8:42 del Sabado denoche na un subdivision na Barangay Tumaga, ciudad de Zamboanga.
Asegun con el policia, si Que tiene pendiente orden de aresto sin recomendao piansa por el crimen de matansa que ya dale el un corte na ciudad de Zamboanga del Julio 16, 2024.
El policia ya habla, si Que listao como el numero dos persona mas buscada na region.
Con Que ya aresta el mga operativas del Criminal Investigation and Detection Group (CIDG) con el suporta del otro unidad del policia.
Asegun con el policia, con Que ya pone bajo’l custodia del CIDG para el propio disposicion. (B. Garcia)