Zamboanga: Numero 2 most wanted persona ya aresta na Tigbao

0
0

Un persona listao como el numero dos most wanted persona ya aresta maga pulis del ante-ayer na municipio de Tigbao, Zamboanga del Sur.

Si Coronel Diomarie Albarico, el director provincial del pulisiya na Zamboanga del Sur, ya nombra con el arestao wanted persona como si Baltazar Villegas, cuarenta años el edad.

Asegun con Albarico cay con Villegas ya aresta base na un orden de aresto maga alas seis kinse del Martes aga na Purok Magsaysay, Barangay Begong, Tigbao.

Si Villegas tiene el pendiente orden de aresto de three counts qualified rape sin piansa que ya dale del Enero Nueve, año dos mil veinte tres, el jusgado del ciudad de Pagadian, Zamboanga del Sur.

Si Villegas ta esta ahora bajo el custodiya del pulisiya na municipio de Tigbao. (B. Garcia)

LEAVE A REPLY

Please enter your comment!
Please enter your name here