Ya aresta mga otoridad con un bien “wanted” persona na municipio de Dimataling na provincia del Zamboanga del Sur, asegun con el pulisiya de Myercoles.
Asegun con el mando rehyonal del pulisiya cay con el bien wanted persona ya aresta mga alas 3:57 del Martes tarde na Purok 3, Barangay Kagawasan, Dimataling.
Ya nombra el pulisiya con el arestao persona como si Ricardo Baldonado, 61 años el edad y un siembrador y residente del Purok 4, Barangay Panubigan, Pitogo, Zamboanga del Sur.
Asegun con el pulisiya si Baldonado tiene pendiente orden de aresto por el crimen de rupto (rape) sin recomendao piansa que ya dale el jusgado del municipio de San Miguel, Zamboanga de Sur del Febrero 11, 2023.
El pulisiya ya habla cay si Baldonado amo el numero uno bien wanted persona na municipio del Pitogo, Zamboanga del Sur.
Con Baldonado ya pone bajo el temporaryo custodiya del pulisiya na municipio del Pitogo. (B. Garcia)