Batac: Estudiante iti Sarrat National High School a nangabak iti International Mathematical Olympiad idiay Hongkong, nagcourtesy call da ken ni Gob. Marcos Manotoc

0
6

Nagcourtesy call ken ni Gobernador Mathew Marcos Manotoc dagiti lima nga estudiante nga agad adal iti Sarrat National High school a nangiyawid ti ballaigi iti Hongkong INTERNATIONAL MATHEMATICAL OLYMPIAD itay napan nga Agosto 25 agingga iti Agosto 28 iti daytoy a tawen.

Nabigbig dagitoy a da Brian Jansen Vallejo , World Champion iti Secondary I ken World Star Top Scorer ti Philippine Team, Allen Iver Barroga World Ist Runner Up iti Secondary 1, Natalie Margaret Balisacan, gold award ken agpapada dagitoy a Grade 7.

Karaman pay da Zyrene Angelica Concepcion Dulluog, Grade 8 a World Ist Runner Up iti Secondary 2; ken gold award ti inyawid met ni Ma. Cassandra Duque iti Grade 10.

Kinadua met da Provincial Education Dept. Head Dr. Danny Dagqoiag, School Principal IV, Dr. Marietta B. Yap ken dadduma pay a kakadua da.

Kinablaawan met ni Gob. Marcos Manotoc dagitoy nga estudiante a nangipaay manen ti sabai pay a pammadayaw iti nagan ti Ilocos Norte.

Segun iti gobernador, dakkel a yaman ken ragsak na gapu ta babaen kadagitoy nga estudiante ken agad adal iti Sarrat National High School ket sabali manen ti nakaitag ayan ti probinsia iti INTERNATIONAL MATHEMATICAL OLYMPIAD.

Mangnamnama ti gobernador nga iyalat to manen dagitoy a lima nga agad aal iti Sarrat national High School ti ballaigi iti sumaruno a pannakilaban da iti World International Mathematical Olympiad iti Hanoi, Vietnam iti masungad a bulan ti Disyembre. (Rod Sadian)

(Source: Provincial Government of Ilocos Norte)

Leave a Reply