El mga autoridad ya aresta un persona mas buscada na un operacion de aplicacion de ley na provincia del Zamboanga del Norte, asegun con el policia del Martes.
El mando regional del policia, o Police Regional Office-9 (PRO-9), ya identifica con el arestao persona mas buscada como si Ronel Amon Gumacas, de legal edad.
Asegun con el policia, con Gumacas ya aresta na un operacion de aplicacion de ley por medio na implementacion de un orden de aresto mga alas 10 del Lunes aga na Purok 6, Sitio Sibayog, Barangay Singatong, Katipunan, Zamboanga del Norte.
Asegun con el policia, si Gumacas tiene pendiente orden de aresto sin recomendao piansa por el crimen de estutorio abuso carnal que ya dale el un corte na ciudad de Dipolog, Zamboanga del Norte del Octubre 18, 2024.
Asegun con el policia, si Gumacas listao como el numero uno persona mas buscada na municipio del Katipunan, Zamboanga del Norte.
Con Gumacas ya aresta el combinao personajes del policia del municipio de Katipunan y del inteligencia del mando regional del policia.
Asegun con el policia, el exitoso operacion ta descata el dedicacion del agencias de enforzadores de ley para coge como mga personas mas buscada na region. (B. Garcia)