El mga autoridad ya aresta con el numero uno persona mas buscada na Zamboanga Peninsula durante un operacion de aplicacion de ley, asegun con el policia del Viernes.
Si Police Brigadier General Bowenn Joey Masauding, el director del Police Regional Office-9 (PRO-9), ya identifica con el arrestao numero uno persona mas buscada como si Jumary Berual Mangungaya, un suportador del antes grupo de criminal de Balimbingan.
Asegun con Masauding, con Mangungaya ya aresta na un operacion del aplicacion de ley por medio de servi’r orden de aresto mga ala 1:07 del Miercoles aga na Barangay Baluran, Tungawan, Zamboanga Sibugay.
Asegun con Masauding, si Mangungaya tiene pendiente orden de aresto por el crimen de matansa sin recomendao piansa.
Si Masauding ya habla con Mangungaya ya pone bajo’l custodia del policia na municipio del Tungawan para el propio disposicion. (B. Garcia)