Un Solid Waste Management Certificate el parte ya awra na lista del maga requirements que ay necesita compli el maga dwenyo del diperente negosyo para continua opera na ciudad.
El executive order No. JD 2022-008 amo el ordinansa que ta manda con el todo establisimyento na ciudad del Zamboanga para segura el mencionao Solid Waste Management Certificate.
Este, despues el Alcalde Dalipe del Lunes ya man issue con el ordinansa que ta man require con todo establisimyento para asegura el dokumento kada anyo estaba na Oficina del City Environment and Natural Resource (OCENR).
Para obtene el mencionao SWM Certificate, el kada establisimyento necesita sumite un solid waste management plan y programa preparao asegun con el guidelines que ya man provide baho na Ten-Year Solid Waste Management Plan del ciudad.
Asegun el attendance con el seminar del Solid Waste Managemeny Orientation y el pagada de tres cienyos certificate fee amo tambien necesita o mandatory.
El latest executive order asegun complementarya con el existing broad-based y comprehensive approach policy del govierno nacional na solid waste management y el City Ordinance No. 2016-176 que ta hace el Integrated Solid Waste Management System para menora el heneracion del solid waste na ciudad. (Cristine Falcasantos, photos courtesy of City Government of Zamboanga Facebook page)