El gobierno local ta construi un nuevo edificio na escuela central del Barangay Labuan, en este ciudad.
Al Alcalde John Dalipe ya habla del Martes cay el nuevo edificio tiene tres andanas con dose cuatro que tiene el valor de P35.9 millon.
Asegun con Dalipe, el construccion del nuevo edificio de escuala es parte del su prioridad na programa de educacion amediante el subida del numero de estudiantes aqui na ciudad.
Si Dalipe ya habla, el nuevo edificio, una vez hay completa, hay dale un conducivo lugar para con mga estudiantes de Barangay Labuan y de sercanos lugar.
El construccion del nuevo edificio esperansao completa dentro de 130 dias de trabajo.
Si Dalipe ya encabesa con el ceremonia de innovador para el prinicipio del construccion del proyecto del Martes. (B. Garcia)