Gipa-imbestigahan na karun sa PNP ang tulo ka mga pulis nga kauban ni Police Captain Roland Moralde human kini gitabangan ug pusil sa lima ka mga gunmen sa public market sa Parang, Maguindanao del Norte kaniadtong Mayo 2, 2024.
Matud pa ni PNP-BARMM Public Information Officer Captain Airene Mazon, anaa na sa lebel karun sa Regional Internal Affair Service o RIAS ang kaso sa tulo ka mga pulis.
Ang tulo ka mga suspetsado ang adunay rangko nga Lt.Colonel, Police Captain ug usa ka Patrolman nga managsamang ilalom sa Regional EOD Canine Unit o RECU.
Una ng gibutyag sa PNP nga upat ang kauban ni Moralde apan sa imbestigasyon sa RIAS, tulo lang ang kauban niini.
Samtang, gipasakaan na karun ug kasong administratibo ang duha ka mga pulis nga lambigit sa pagpatay ni Captain Moralde.
Gawas niini, mag-atubang usab ug kasong murder ang duha ug lain pang tulo ka mga at-large.
Kahinumduman, nga nisangpot sa pagpatay ang unta pagsita lang ni Moralde sa usa ka buko juice vendor nga si Mohiden Untal tungod sa pagdadala niini ug armas.
Napatay ni Moralde si Untal human nakigpinusilay.
Sa dihang nidagan na si Moralde, gisundan kini sa mga armadong tawo nga mga kaliwat ni Untal kundiin duha niini kauban niyang pulis.
(Source: Pagadian News Daily)