El National Irrigation Administration (NIA) ya inagura del otro semana P1.5 millones proyecto de sistema de irigacion comunal na Barangay Labuan, ciudad de Zamboanga.
Asegun con el NIA del Lunes, el proyecto destinao para impulsa productivo y sostenibilidad agricultura na Sitio Campo Uno, Barangay Labuan.
El NIA ya habla, no menos de 60 siembradores quien miembros de asociacion de irigador na lugar hay beneficia con el proyecto.
El proyecto envuelto el instolacion de 3.14 kilometro tubo con lugar de servicio ta cubri 30 hectarias.
El fondo para el implementacion del proyecto estaba na agencia del NIA.
El NIA ya entrega con el proyecto na asociacion de irigadores que ta encabesa si Amador Guimidam na Sitio Campo Uni, Barangay Labuan. (B. Garcia)