El National Housing Authority (NHA), por medio del Emergency Housing Assistance Program (EHAP), ya distribui P5.75 millon ayuda financial con 575 families quien afectao ng mga incidentes de incendios na diferente barrios aqui na ciudad de Zamboanga.
El mga recipiente-familias del ayuda financial, que ya distribui del Viernes, ya recivi P10,000 cada un familia.
Con el mga recipiente-familias ya identifica el oficina de bienestar social y desarollo del ciudad o el City Social Welfare and Development Office (CSWDO).
Asegun con el CSWDO, na total numero del mga recipiente-familias, 316 de ila desde Barangay Arena Blanco, 171 de Tugbungan, 61 de Sangali, 14 de Lapakan, cuatro de Sta. Catalina, tres de Mampang, dos de Lamisahan, dos de Bunguiao, uno de Talon-Talon, y uno de Lanzones.
El distribucion del ayuda financial ya hace na the East Wing, Atrium Activity Center del KCC Mall de Zamboanga.
El Alcalde John Dalipe ya expresa gratitud con el gobierno nacional y NHA por el asistente oportuna que ya dale con el mga familias victima de incendio.
Si Dalipe ya empatiza el importancia del colaboracion na proporcionada del mas necesita ayuda para con aquellos afectao na clase de calamidad, ayudando canila na esfuerzos de recuperacion y reconstruccion.
El distribucion el ayuday financial con mga afectao familias ya encabesa si Joeben Tai, el administrador general del NHA y Alkwarizimi Indanan, el administrador den del NHA na Zamboanga Peninsula y na Bangsamoro Autonomous Region in Muslim Mindanao. (B. Garcia)