El Naval Forces Western Mindanao (NFWM) ya conduci un actividad de donacion de sangre como de ila participacion na escala nacional donada de sangre en celebracion del 89 aniversario del Fuerza Armada del Pilipinas.
El actividad ya conduci del Domingo na club de oficiales del NFWM, Barangay Calarian, ciudad de Zamboanga.
Asegun con el NFWM, total de 29 individuales el exitosamente ya dona 11,600 centimetro cubico de sangre para suporta con local banco de sangre.
El NFWM ya habla, el sangre ya colecta es vital para ayuda con mga hospital y paciente necesitado, alineando con el dedicacion del fuerza militar na servicio humanitario.
El actividad entitulado “Dugong Alay Mo, Sandigan ng Buhay Ko” ta demostra el dedicacion del NFWM para servi con el nacion mas pa na su papel de defensa. (B. Garcia)