Ya muri el un negociante na un incidente de tiroteo aqui na ciudad de Zamboanga, asegun con el policia local del Martes.
Asegun con el policia, el incidente ya ocuri mga alas 12:20 del Martes aga na un subdivision na Barangay Cabatangan, ciudad de Zamboanga.
El policia ya identifica con el fatalidad como si Sheikh Abdelhajer Amanun Saliddin, 41 años el edad, un negociante y maestro.
Base na investigacion, si Saliddin parao apuera del su oficina na costao lang del su residencia cuando ya llega el un desconocido armao persona ta maneja motorciclo y ya tira repetidamente con el victima.
Mas del investigacion ta aparece cay enseguidas el suspechao ya escapa cuando ya tumba el victima.
El policia ta cre cay agravio personal el motivo del incidente.
El policia ta continua conduci investigacion para establisa el identificacion del suspechao na incidente. (B. Garcia)