31.8 C
Manila
Sunday, April 14, 2024

Zamboanga: Negociante, ayudanta irido na incidente de tiroteo

- Advertisement -

Un negociante de fescao y su ayudanta el ya iri na un incidente de tiroteo aqui na ciudad de Zamboanga, asegun con el policia local del Sabado.

 Asegun con el Zamboanga City Police Station 11 (ZCPS11) con el mga victima ya conose como si Harun Saraban, 60, el negociante de fescao, y su ayudanta si Alsharif Lim, 38.

 Asegun con el ZCPS11 el incidente ya ocuri maga alas 4 del Sabado aga na Calle Onse, Barangay Campo Islam, en este ciudad.

 Base na investigacion, ta durmi el dos victim ana duyan cuando ya tira canila dos desconosidos personas, quien ya escapa para na direccion del pueblo abordo na un motorsiclo.

 El policia ya recubri dos capsula de calibre .45 pistola na lugar del crimen.

 Asegun con el ZCPS11, el doctor ya declara cay na estable condicion el mga victima. (B. Garcia)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -