Un mujer el ya aresta y ya confisca valor de P680,000 droga ilegal el mga autoridad na campaña contra droga na provincia del Lanao del Sur, asegun con el policia de Miercoles.
Si Police Colonel Robert Daculan, el director del policia na provincia del Lanao del Sur, ya nombra con el arestao suspechao como alias Angel.
Asegun con Daculan, con Angel ya aresta na un operacion de compra busto mga alas 5:15 del Martes tarde na Barangay Buntongan, Wao, Lanao del Sur.
Si Daculan ya habla, ya confisca na posesion 100 gramos de suspechao shabu enpaquetao na cuatro transparente sobrecitos plastico con el valor de P680,000, un real markao P1,000 que ya pone insima na un balutan de boodle money.
Si Daculan ya habla, con Angel ya ponde bajo’l custodia del policia na municipio de Wao para el propio disposicion. (B. Garcia)