El Ministry of Trade, Investment and Tourism na Bangsamoro Autonomous Region in Muslim Mindanao (MTIT-BARMM) esperansao implementa mga proyectos y programas de turismo na provincia del Sulu.
Ese el cosa ya habla el Ministro Abuambri Taddik del MTIT, cuando ya visita le del Lunes na quartel del Joint Task Force (JTF)-Orion na campo Teodulfo Bautista na Jolo, Sulu.
Asegun con Taddik, el mga proyectos y programas que ay implementa el MTIT ay servi como suporta con el ecoturismo del provincia de Sulu.
Si Taddik ya habla, el objeto del mga proyectos y programas amo para mejora mas con el mga destinacion de ecoturismo del Sulu.
Durante de ila junta, si Major General Ignatius Patrimonio, el comandante del JTF-Orion y 11th Infantry Division, ya informa con Taddik sobre el presente situacion, initiativos, programas, actividades, y acomplisimiento na campaña de paz y seguridad del su mando na provincia de Sulu.
Con Taddik ya acompania mga personajes del MTIT y su Brigadier General Taharuddin Ampatuan, el diputado comandante para el operaciones de defensa exterior del Western Mindanao Command, durante su visitada na Sulu.
(B. Garcia, photo courtesy of JTF-Orion)