Si Tiniente Heneral Roy Galido, el comandante del Western Mindanao Command (Westmincom), ya dale su aseguramiento cay ay suporta el mando con el maga actividades del departamento de educacion na rehyon autonomous.
Si Galido ya dale su aseguramiento con Mohagher Iqbal, el ministro de educacion na rehyon autonomo, kien ya visita del martes na quartel del Westmincom.
Ya habla pa si Galido con Iqbal cay debe sila continua trabaja hunto por amor del maga compoblanos y para el acomplisimiento del de ila cada’y cual organisasion.
Durante el visitada de Iqbal na quartel del Westmincom, ya descuti tamen sila de Galido sobre el necesidad para coopera a uno’y otro para del desrollo de region autonomo.
Puera con Galido, con Iqbal ya recivi tamen durante si visitada na Campo Navarro el otro maga alto oficiales del Westmincom que ta incluwi si Brigadier General Vincent Incognito y Coronel Emmanuel Cabasan.
Con Iqbal ya acompania otro maga oficiales de educacion na rehyon autonomo cuando ya visita le na Westmincom. (B. Garcia, photo courtesy of Westmincom PIO)