El mga soldao ya recubri mga armas de fuego y bala que ya esconde el mga rebelde New People’s Army (NPA) na provincia del Misamis Occidental, asegun con el militar del Lunes.
Asegun con el 1st Infantry Division (1ID), con el mga armas de fuego y bala ya recubri del Jueves na Sitio Basalan, Barangay Lalud, Don Victoriano Chiongbian, Misamis Occidental.
Asegun con el 1ID, el recubrido armas de fuego ta inclui tres rifles AK-47, 12 clips, y 120 bala.
El mga armas asociado con el desmantelao Frente Guerillero Sendong del NPA.
Asegun con el 1ID, con el mga armas de fuego y bala ya recubri por medio del informacion ya dale el tres rebelde NPA quien ya rendi del Julio 19, este año, con el mga personajes del 10th Infantry Battalion (10IB).
El mga recubrido armas de fuego y mga bala ta esta na custodia del 10IB base na Misamis Occidental.
Si Brigadier General Elmer Suderio, comandante del 102nd Infantry Brigade, ya comenda con el personajes del 10IB for el de ila esfuerzos que ya resulta na recubrida del mga armas de fuego y bala. (B. Garcia)