El gobierno del ciudad, por medio del Housing and Land Management Division (HLMD), ya conduci cuatro misiones de extension como parte del celebracion del Urban Poor Solidarity Week (UPSW) na ciudad.
Asegun con el HLMD, el cuatro misiones de extension ya conduci del del Jueves na centro de entreno del Crus Roja del ciudad de Zamboanga na Pettit Barracks.
Asegun con el HLMD, el cuatro misiones de extension ya inclui el mision medical, distribucion de semillas de agricolas, clavada de bakuna contra rabis, y donacion de sangre.
El HLMD ya habla, cientos del mga miembros de asociaciones de probres urbanos, grupo de mujeres y asociaciones de propietarios na ciudad ya aprovecha con el libre servicios que ya proporciona el diferente oficinas, que ya inclui el oficina del alcalde, del salud del ciudad, del agricultura del ciudad, Crus Roja de Zamboanga, HLMD y otros pa.
El celebracion del UPSW ya comensa del Deciembre uno y ya termina del Deciembre ocho.
El celebracion ya comensa por medio de una caminata solidaria desde City Hall para na Joaquin Enriquez Memorial Sports Complex na Baliwasan.
El celebracion de conformidad na Proclamation 367 y tiene el objetivo promova gran entendimiento del mga asuntos y problemas de pobreza urbano, y fomenta unidad y dialogo entre mga pobres urbano, agencias de gobierno y mga organizaciones no gubernamentales. (B. Garcia)Â