Ya distribui mga elementos esenciales de mision si Brigadier General Alvin Luzon, el comandante del 101st Infantry Brigade, con mga miembros del milicia, asegurando cay tiene sila bastante equipo para efectivamente compli de ila trabajo.
El distribucion del mga elementos esenciales de mision ya hace si Luzon durante su visitada del Martes na base de patrulla de Phil-Am na Barangay Bohe Pahu, Ungkaya Pukan, Basilan.
Durante su mensaje, si Luzon ya dale importancia con el estrategico locacion del base de patrulla del Phil-Am na mantencion del paz y orden na lugar.
Ya dale corage si Luzon con el mga miembros del milicia para continua de ila servicio exemplario y ya asegura canila el suporta y recursos del brigada.
El visitada ya marka el fuerte sentido de camaraderia y respeto mutual, ta refuerza el relacion entre el liderato del brigada y mga fuerzas auxiliar. (B. Garcia)