Un individual clasificao como un high-value individual (HVI) el ya aresta y valor de P598,400 droga ilegal y un pusil el ya confisca mga autoridad na continuando campaña contra droga na Region 12, asegun con el Area Police Command-Western Mindanao (APC-WM) del Miercoles.
El APC-WM ya nombra lang con el arestao suspechao como si alias Fiel, 43 años el edad.
Asegun con el APC-WM, con Fiel ya aresta na un operacion de compra busto del otro semana na Barangay Bula, ciudad de General Santos.
El mga operativas ya puede recubri na posesion de Fiel 88 gramos de suspechao shabu que tiene el valor de P598,400, un celpon, un calibre .38 pistola con 13 bala, un bolso bandolera, y P1,000 dinero de compra busto.
Asegun cone el APC-WM, con Fiel ya pone bajo’l custodia del Police Station 6 del General Santos City Police Office en preparacion para el plantada del asunto contra conele.
Si Police Brigadier General Percival Augustus Placer, el director del policia na Region 12, ya comenda con el mga operativas por el de ila excepcional actuacion y dedicacion para defende con el ley y asegura el seguridad del comunidad.
“Este exito hay servi como un testamento del de aton esfuerzo colectivo na combate contra droga ilegal y defende con el justicia na SOCCSKSARGEN,” si Placer ya habla. (B. Garcia)