Cebu: Dakbayan sa Sugbo mamahimo na unyang Pink Zone sa African Swine Fever

0
8
(Photo courtesy of Cebu City • News & Information)

Nangandam na karon ang dakbayan sa Sugbo nga mobalhin gikan sa red zone (may impeksyon) ngadto na sa pink o buffer zone (walay impeksyon) kabahin sa pagtakod sa sakit sa mga baboy nga African Swine Fever (ASF).

Kana maoy gibutyag ni Dr. Jessice Maribojoc, ang labaw sa Cebu City Department of Veterinary Medicine and Fisheries (DVMF), gumikan kay paglambo sa kahimtang niini kabahin sa ASF.

Sa nasayran, anaa pa sa red zone ang dakbayan apan mapasigarbohon siya nga bugtong ang mga dakbayan lang sa Sugbo ug sa Lapu-Lapu ang gitugotan nga makapagawas ug makadawat og mga produkto nga ginam-an sa karne sa baboy.

Gani, nakaduso na ang DVMF og aplikasyon ngadto sa Deparment of Agriculture-7 aron sa pag-upgrade sa siyudad ngadto na sa pink zone nga kategoriya.

Ang mga dapit nga anaa sa pink zone mao kadtong walay kaso sa ASF ug magsilbing bangil o sagang batok sa pagkaylap sa ASF bisan kung ang mga tapad niini aduna pay ASF.

“Once ma-pink zone na ta, padulong na siya sa green zone and dako na siya og impact sa economy, especially sa atong mga traders,” sulti ni Maribojoc.

“Mao sab na akong gipasalamat no kay ongoing man gud ang atong surveillance sa ASF, wala gyud ta nag-stop ana. Every Friday hangtud kadlawon way hunong atong mga tawo to check sa status sa ASF,” dugang niya.

Ingon ni Maribojoc, wala nay natala nga kaso sa ASF ang dakbayan sa Sugbo sukad sa Nobiyembre sa niaging tuig. (Renante Socia Lada)

(Source: Cebu City PIO)

Leave a Reply