Ya declara el Task Force to End Local Armed Conflict (TF-ELAC) con el ciudad de Lamitan na provincia del Basilan librao ya desde’l influencia del grupo Abu Sayyaf.
El declaracion ya hace el Alcalde Roderick Furigay, quien ta encabesa con el TF-ELAC, durante su State of the City Report (SOCR) del Martes que ya atende mga alto funccionarios del gobierno, policia, militar, and de diferentes sector.
El declaracion del ciudad de Lamitan librao desde’l influencia del grupo Abu Sayyaf ya dale importancia na celebracion del aca-17 años aniversario del ciudad del Lamitan del Martes.
Si Brigadier General Alvin Luzon, el comandante del 101st Infantry Brigade, ya habla cay el declaracion es un testameno del unido esfuerzo del sector de seguridad, oficiales del gobierno local y del barangay y del mga constituents.
Sin embargo, si Luzon ya habla cay el declaracion ta servi como un desafio canila na sector de seguridad para sustene co nel paz. (B. Garcia)