Tiene ya ahora nuevo jefe el Labuan General Hospital (LGH) locao na Barangay Labuan na costa oeste del ciudad de Zamboanga.
El nuevo jefe del LGH amo si Dr. Waldo Malik Mandai quien ya asumi na puesto despues del un ceremonia de rotacion formal del Jueves.
Si Mandai ya releva con Dr. Joshua Brillantes, el director regional de Departamento de Salud, quien ya servi como el oficial-en-cargao del LGH por tres años.
Antes del su nuevo puesto, si Mandai ya servi na Drug Treatment y Rehabilitation Center del Departamento de Salud.
Si Mandai ta plania hace con el LGH como un centro de trauma teniendo su CT Scan, maquina de dialysis, y otro servicio medical.
Si Brillantes ya desea que si Mandai hay continua el mandato y direccion del Departamento de Salud para alcanza el atencion sanitaria universal. (B. Garcia)