Un oficial de barrio el irido na un accidente vehicular que ya ocuri maga alas nueve kinse este dia de Martes na Barangay Sta. Maria, este ciudad.
El Police Station 7 ya conose con el victima como si Romeo Macrohon, sincuenta’y siete anios el edad y un Kagawad del Barangay Lumbangan, este ciudad.
Asegun con el pulisiya cay ta man compra si Macrohon na tienda de frutas na Sta. Maria cuando ya man bangga conele el un vehiculo que ta maneja si Wahab Sarabi, un residente de Duramos Drive, Barangay Pasonanca.
Si Sarabi estaba ya ase hatud estudiante na un escuela na pueblo y pa bolbida ya para na Pasonanca cuando ya ocuri el accidente.
Con Macrohon ya lleva na hospital para el curada medical.
Durante el incidente, ya destrosa tamen maga tienda de frutas.
Si Sarabi ya promete ayuda na gastos na hospital con Macrohon y tambien paga el destroso nna tienda por causa del accidente. (Bong Garcia, Jr.) (Photo Courtesy of Ely Dumaboc)
