Pasada ala una endenates madrogada un concierne persona el ya llama na estasyon de polisiya onse por el incidente de quema que ya occuri na Kasalamatan Dr. Barangay Campo Islam en este ciudad.
El personahes del polisiya ya coordina hunto con el BFP para anda na mencionao lugar y un casa plantaw con light materials el ya quema que ta dwenya asegun si Carmalyn Noble Arabani alyas Radzma Usman, cuarenta’y uno anyos de edad, kasaw y residente del mencionao barangay.
Base na investigacion que ya conduci, pasada ala una el subrina di Radzma identificao como si Ryza Arabani Idris ya disperta y ya habla con ele que ta quema diila casa. El quema derepente ya man kalat para na maga atrulaw casa.
Pasada alas tres, el BFP ya declara ya fire out mientras un persona el ya sale irido identificao como si Wahid Hussam Jailani, deci syete años de edad, menor ombre y residente del Barangay. El mencionao persona ya sustene abrasion na disuyu skerdya porsyon del kara.
Total de seis casa el ya quema con estimao valor de mas o menos tres mil seis cientos damage mientras el causa del quema ta investiga pa el Investigadores del BFP. (Erica Javier)