El Oficina del CSWD ensiguidas ya alkansa maga asistensyo de alivio o relief assistance con el maga familia ya sale afectai con el fuerte avenida na Arzadon Phase 1 and 2 na Barangay Recodo del byernes noche.
Base con el record del CSWDO, cuatro kasa con kinse dependents el ya evacua na Recodo Barangay Hall cuando derepente ya keda fuerte el avenida.
Por medio del Prepositioning Scheme, el kada barangay del ciudad ya recivi maga stock del relief goods para distribuhi na maga residente si entalcaso ay tiene crisis siguiendo el guidelines del CSWDO.
Para akordar, el CDRRMO Search and Rescue y el Emergency Medical Service Team hunto con el Philippine Coast Guard del Cawiy derepente ya responde con el llamada de asistensya del BDRRMC de Sinunuc y Recodo y otros pa maga lugar que ya sale afectao na fuerte avenida durante el fuerte aguasero del byernes tarde. (Cristine Falcasantos)