May kabuuang 48 senior citizen na nasa edad 70 pataas ang tumanggap ng tig-5,000.00 Pesos na tulong-pinansyal sa isinagawang pamamahagi noong Martes, Setyembre 15, sa Tumaga Elderly Center sa Barangay Tumaga.
Pinangasiwaan ng City Social Welfare and Development Office-Office for Senior Citizens Affairs (CSWDO-OSCA) ang pamamahagi sa pamamagitan ng personal na pag-abot ng tulong at pagbisita sa mga tahanan ng mga benepisyaryong hindi na makabangon sa kama (bedridden) o may mataas na panganib sa kalusugan (high-risk) na hindi nakadalo nang personal.
Ipinagkaloob ang tulong-pinansyal alinsunod sa City Ordinance No. 609, na kilala rin bilang Septuagenarian Benefit Ordinance ng Zamboanga City. (Algie Rojas)
Source: City Government of Zamboanga.