Tiene mga P90 millones valor de productos de agricultura y pescaria el ya destrosa el 24-hora habagat que ta inunda con el ciudad de Zamboanga del Julio 12, asegun con el Oficina de Agricultura del Ciudad del Miercoles.
Asegun con el Oficina de Agricultura del Ciudad, P68 millones del total de P90 millones valor de destroso amo mga productos agricultural como palay, mais, y otros siembras de alto valor, y el restante P22 millon amo productos de pescarias.
El inundacion ya destrosa 294 hectarias de cementeras, affectando 286 siembradores, asegun con el Oficina de Agricultura del Ciudad.
El mencionao oficina ya reporta tamen cay tiene 82.18 hectarias de maisan y 103 siembradores de mais el afectao.
Asegun con el Oficina de Agrilculura del Ciudad, al menos de 228 hectarias de tierra siembrao de siembras de alto valor el ya destrosa y 561 siembradores el ya afecta.
Asegun, tiene tamen mga infrastractura de agricultura el ya destrosa por causa del habagat.
El mga destrosao infrastractura ta inclui dique na Barangay Sibulao y canal de irigacion na Sitio Tamion, Barangay Vitali. (B. Garcia)