El mga personajes del Guardia Costera del Filipinas o Philippine Coast Guard (PCG) ya salva con dos bata quien ya man lumus na aplaya publico na ciudad de Zamboanga, asegun con el Coast Guard District Southwestern Mindanao (CGDSWM) del Lunes.
Asegun con el dos bata ya puede salva mga personajes del Coast Guard Mobile Team (CGMT)-Bolong, quien enseguidas ya responde con el informacion ya recivi sila aserca el incidente del Domingo na aplaya de Barangay Bolong, Ciuad de Zamboanga.
Asegun con el CGDSWM, el mga personajes del CGMT-Bolong ta conduci patrulla de vigilantes de aplaya cuando ya alerta canila el mga bañistas cay tiene incidente de lumus aproximadamente 15 metros desde’l canto’y aplaya.
Asegun con el CGDSWM, enseguidas ya administra Cardiopulmonary Resuscitation (CPR) para revivi con el dos bata y despues ya lleva canila na hospital para mas del curada medical.
Asegun con el CGDSWM, admitido y ta recupera ahora el dos bata na hospital.
Mientras tanto, el CGDSWM ya emfatiza el importancia del seguridad del agua y ya apela con el publico para tiene cuidao si ta baña, particularmente na mga lugar sin guardia. (B. Garcia)