Total de 50 mga residentes ancianos (elderlies) ya recivi incentivo desde con el govierno local por medio del City Social Welfare and Development Office (CSWDO).
Asegun con el CSWDO, el distribucion del incentivo ya encabesa el Alcalde John Dalipe este dia de Martes que ya conduci na multi-purpose hall del Barangay Sta. Catalina.
Na total de 50 beneficiarios, 48 de ila mga 80 años el edad para ariba (octogenatians) mientras el otro dos mga 90 años y mas (Nonagenarians) y mga residentes del mga barrios de Baliwasan, Kampung Islam, Mariki, Rio Hondo, San Jose Cawa-Cawa, San Jose Gusu, Sta. Barbara, Sta. Catalina, Sto. Niño, Zone I, Zone II, Zone III, y Zone IV.
Asegun con el CSWDO, cada uno del mga octogenarians ya recivi el P10,000 incentivo mientras P20,000 ya recivi cada uno del mga nonagenarians de conformidad na Ordinansa numero 539 del ciudad o conosido como el “Octogenarian and Nonagenarian Benefit Ordinance”.
Para con aquellos mga 100 años y mas (centenarians), ay recivi tamen sila por una vez el cantidad de P50,000 base con el mismo ordinansa.
Asegun con Dalipe, el dalida del incentivo amo para suporta y reconose con el contribuciones del mga residentes ancianos del ciudad de Zamboanga.
(B. Garcia, photo courtesy of City Hall PIO)