29.6 C
Manila
Friday, April 19, 2024

Batac: Gob. Marcos Manotoc, impasigurado na a tumulong ti probinsia iti PAL para ti baro a rutana a Cebu-Laoag, Laoag-Cebu flight

- Advertisement -

Impasigurado ni Gobernador Mathew Marcos Manotoc a tumulong ti gobierno probinsial iti baro a ruta ti Phil. Airlines a Cebu-Laoag ken Laoag-Cebu flight iti masungad a Disiembre 15 iti daytoy a tawen.

Segun iti gobernador, maysa kadagiti inkari da iti Management ti PAL ket iti panaglako met ti probinsia iti ticket tapno sigurado ken adda pay ti nayon dagiti ag-book iti PAL.

Segun iti gobernador , adda ti nailatang a ticket iti probinsia a kas maited a kontribusion kadagiti aglugan ti baro a ruta ti PAL a Cebu-Laoag ken Laoag-Cebu flight.

Naammuan nga iti panagbook, mabalin a kontaken wenno ag e-mail iti Ilocos Norte Tourism office gapu ta nangrugin ti PAL a nglako ti ticket itay napan nga October 12.

Impakaammo ti gobernador a maipin pinal metten ti mapirmaan a Memorandum of Agreement wenno MOA iti nagbaetan ti PAL ken iti Provincial Government of Ilocos Norte para ti naiget a “partnership” dagitoy.

Manamnama a maipalon ditoy iti ipaay a tulong ti probinsia iti biang ti PAL iti baro a ruta a Cebu-Laoag ken Laoag-Cebu flight iti masungad a Disiembre 15.

Naammuan a ti iskediul iti flight ti PAL iti Cebu-Laoag ket 7:35 ti bigat ken sumangpet iti siudad ti Laoag iti 10:05 ti bigat idinto a ti biahe met iti Laoag-Cebu ket 10:25 ti bigat ken Sumangpet idiay Cebu iti 12:35 ti aldaw tunggal aldaw ti Martes ken Biernes. (Rod Sadian)

(Source: Provincial Government of Ilocos Norte)

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -