El gobierno local ya honra con dos atleta Zamboangueño quin ya lleva honor conel ciudad na mas reciente concurso del Ultra Marathon (Duro 100 millas or Hardcore 100 miles).
Con el dos atleta Zamboangueño que ya honra el gobierno local amo canda Kik Russel Suello y si Benzon Solaran.
El concurso de Ultra Marathon ya conduci na Kayapa, Nueva Vizcaya, donde ya gana si Suello como el campeon y ya nombra conele como el rey del monte.
Si Solaran quien ya puede completa con el concurso que ya participa miles de atletas na entero pais.
El Alcalde John Dalipe ya dale plaque de reconocimiento con Suello por su exepcional actuacion durante el competicion.
Si Suello y Solaran ya ase visitada de cortesia con Dalipe done ya presenta sila el de ila tropeo y medalla.
Con el Ultra Marathon ya organiza el Intrepid Spirit. (B. Garcia)