El gobierno local ya dale 15 nuevo motorciclo con el policia local como parte del continuando cometida para mejora el proteccion y seguridad del ciudad de Zamboanga.
Con el 15 nuevo motorciclo ya entrega el Alcalde John Dalipe con Coronel Kimberly Molitas, el oficial-en-cargao del “Zamboanga City Police Office” del Lunes durante el ceremonia del bandera enfrente del “City Hall”.
El dalida del mga nuevo motorciclo amo el ultimo paquete de ayuda que ya dale el gobierno local para con el ZCPO.
Del Octubre 2023, el alcalde ya dale tamen con el ZCPO 10 nuevo motorciclos.
Asegun con Dalipe, con el mga motorciclo ya compra usando con el fondo de paz y orden presupuesto para el año 2023.
Cada uno del motorciclo tiene el valor de P195,000 o con el total alocacion de P2.91 millon para el 15 motorciclos. (B. Garcia)